Müalicəyə pul tapmadı, arvadı evdən qovdu, parklarda gecələdi -

Müalicəyə pul tapmadı, arvadı evdən qovdu, parklarda gecələdi - Aktyorumuzun dəhşətli həyatı

Mədəniyyət 12-apr, 21:16 61
SHOWXEBER.AZ  kulis.az-a istinadən aktyor Fikrət Məmmədov haqqında maraqlı faktları təqdim edir.
 
Fikrət Əli oğlu Məmmədov 1 yanvar 1956-cı ildə anadan olub. Sergey Gerasimov adına Ümumrusiya Dövlət Kinematoqrafiya Universitetinin məzunu olub. Azərbaycanın məşhur musiqi xadimi Ağası Məşədibəyovun nəvəsidir.
 
Fikrət Məmmədovu kinostudiyada hər zaman "Fiko" deyə çağırıblar. O, "Axırıncı reys", "Bağlı qapı", "Bayquş gələndə", "Cin mikrorayonda", "Çarə", "Doğma sahillər", "Əlaqə", "Fəryad", "Fırıldaqçı", "Gözbağlıcı", "Gümüşgöl əfsanəsi", "Güzgü", "Hədiyyə", "İbrət dərsi" və başqa filmlərdə müxtəlif obrazlar canlandırıb. Aktyor "Fəryad" filmindəki Aşot obrazı ilə yaddaşlarda iz qoyub.
 
2014-cü ildə aktyorun ölüm xəbəri yayılır. Araşdırmalar zamanı məlum olur ki, o, "bomj" həyatı yaşayır. Verilişlərin birinə qonaq kimi dəvət olunan aktyor deyir: "Həyat yoldaşım məni evə buraxmır. Ev mənim adıma olsa da 15 ildir ki, küçələrdəyəm. Hər ikimizin günahı var. Evsiz olduğumdan köhnə evimizin yanında yerləşən parkda qalıram. İndi skamyada yatıram. Qonşular yemək verir. Qəzaya düşmüşəm. Çənəmi sındırmışam. Hər şey cəhənnəm, dişlərimi itirmişəm. Səhnəyə çıxmağa utanıram."
 
2018-ci ildə Fikrət Məmmədovun səhhətində ciddi problem yaranır. Hepatit virusuna yoluxan aktyor bir müddət 1 saylı Kliniki Tibbi Mərkəzdə ("Semaşko") müalicə olunur. Ancaq maddi durumu imkan vermədiyindən lazımi dərmanları ala bilmir və xəstəxanadan çıxmalı olur.
 
Aktyor son olaraq "Ol" teatrında tələbələri ilə birgə çalışmağa başlayıb. Lakin arzuladığı dəstəyi görmədiyindən fəaliyyətini dayandırmağa məcbur olur.
 
Fikrət Məmmədov "Ata ocağı", "Əks təsirlər" kimi seriallarda rol alsa da, sonradan bu dəvətlərin arası kəsilir. Qazancı kirayə puluna çatmadığı üçün aktyor bir ay paytaxtda fəaliyyət göstərən kompüter klublarından birində gecələməli olub.
 
Bronxial astma xəstəliyindən də əziyyət çəkən aktyor ötən gün 65 yaşında ömrünün son illərini yaşadığı Bilgəhdə yerləşən "Qocalar evi"ndə vəfat edib.

Ramazanın 25-ci gününün duası - İmsak və iftar vaxtı   |     Polşada mayın 15-dən açıq havada maska taxmaq LƏĞV EDİLDİR   |     15 yaşlı Əli Şabanovun ölümü ilə bağlı cinayət işi başlanıldı   |     İntihar edən abituriyentin müəllimi: "63 bal toplayıb, çox az idi bu onun üçün"   |     Baba Vəziroğlu koronavirusa yoluxub   |     Dövlət Əmək Müfəttişliyi Xidmətinin əməkdaşı 33 yaşında vəfat etdi   |     Bakı, Sumqayıt, Gəncə, Şəki və Abşeronda məktəblər AÇILIR   |     7 aydır axtarışda olan hərbçimizin ŞƏHİD XƏBƏRİ GƏLDİ   |     Bakıda küçəyə Polad Həşimovun adı verildi   |     Musa Yaqub vəsiyyət etdiyi yerdə dəfn olunacaq   |     Daha 722 nəfər koronavirusa yoluxdu - 1854 nəfər sağaldı   |     SON DƏQİQƏ! Musa Yaqub vəfat etdi   |     "Siz niyə maska taxmırsınız?" - Aytən Səfərova TƏBİB-i tənqid etdi   |     Məşhur meyxanaçılar həbs edilə bilərlər - DİN-dən AÇIQLAMA / VİDEO   |     Azərbaycanda az bal toplayan abituriyent özünü asdı   |     Hərbi Prokurorluq nəşi tapılan hərbçimizlə bağlı MƏLUMAT YAYDI   |     İcra başçısının imarətində asılmış meyit AŞKARLANDI   |     "Atam dünən komaya düşdü, orqanları dözmədi" - Arif Quliyevin qızı   |     Şuşa Azərbaycanın mədəniyyət paytaxtı oldu   |     Xalq artisti Arif Quliyev Qaradağ rayonu "Qurd qapısı" qəbiristanlığında dəfn olunacaq   |    

Son xəbərlər