Azərbaycanın görkəmli səhnə xadimi Nəsibə Zeynalovanın doğum günüdür

Azərbaycanın görkəmli səhnə xadimi Nəsibə Zeynalovanın doğum günüdür

Mədəniyyət 20-apr, 09:11 222
Bu gün Azərbaycanın Xalq artisti, Azərbaycan Dövlət Mükafatı Laureatı, görkəmli satira ustası Nəsibə Zeynalovanın anadan olmasından 105 il ötür.

Oxu.Az xəbər verir ki, Azərbaycan teatrsevərləri arasında “qayınana” kimi sevilən, Musiqili Komediya teatrının inkişafında müstəsna rol oynayan, qırx ildən çox işlədiyi sənət ocağının repertuar ağırlığını ləyaqətlə çiyinlərində daşıyan Nəsibə xanım 20 aprel 1916-cı ildə Bakıda doğulub.

Nəsibə Zeynalova Azərbaycan realist aktyor məktəbinin ən layiqli nümayəndələrindən biri kimi formalaşıb və şöhrət qazanıb. 1932-ci ildə Rza Təhmasibin dram dərnəyinə üzv olub. 1937-ci ildə Bakıda, 1934-cü ildən mövsümi (aprel ayından oktyabr ayına kimi) fəaliyyət göstərən səyyar Kolxoz və Sovxoz Teatrında aktrisa işləməyə başlayıb. 
 
Bir il burada aktrisalıq edən Nəsibə xanım 4 aprel 1938-ci ildə yenicə yaranan Azərbaycan Dövlət Musiqili Komediya Teatrının truppasına birinci dərəcəli aktrisa götürülüb. Həmin il Bakı Teatr Məktəbinə daxil olaraq aktyorluq təhsili alıb.
Aleksandr Tuqanov, Məhərrəm Haşımov, Ağasadıq Gəraybəylidən dərs alan tələbə Nəsibə Zeynalova texnikumda oxuyarkən Katarina (“Şıltaq qızın yumşalması”, Vilyam Şekspir), Elvira (“Don Juan”, Jan Batist Molyer), Yelizaveta (“Mariya Stüart”, Fridrix Şiller) rollarını oynayıb.

Ömrünü Musiqili Komediya Teatrı ilə bağlayan aktrisa sənət ocağının müəyyən fasilələrlə truppa, Filarmoniyanın nəzdində dəstə-ansambl şəklində fəaliyyət göstərdiyi illərdə də kollektivdən ayrılmayıb. Aktrisa milli klassik operettalarımızın tamaşalarında Gülpəri, Cahan xala, Sənəm (“Ər və arvad”, “Arşın mal alan” və “Məşədi İbad”, Üzeyir bəy Hacıbəyov), Mələk xanım və Kələk xanım (“Əlli yaşında cavan”, Zülfüqar bəy Hacıbəyov) kimi xarakterik səhnə obrazlarında çıxış edib.

Azərbaycan televiziyasında onlarla yumoristik səhnəciklərdə, teletamaşalarda, intermediyalarda çıxış etmiş Nəsibə Zeynalova, həmçinin “Azərbaycanfilm”in çoxlu ekran əsərlərinə çəkilib. Kino obrazları içərisində Fatmanisə (“Ögey ana”), Telli (“Böyük dayaq”), Züleyxa (“Ulduz”), Cənnət xala (“Qayınana”), Gülsüm (“Molla Fətəlinin sərgüzəşti”), Əsli xala (“Bəyin oğurlanması”) rolları daha şöhrətlidir.

Musiqili teatrımızın inkişafında böyük xidmətlərinə görə Nəsibə xanım 24 may 1960-cı ildə Azərbaycan Respublikasının Əməkdar artisti, 1967-ci ildə Xalq artisti fəxri adına layiq görülüb. “Hicran” musiqili komediyasındakı Qızbacı roluna görə Azərbaycan Dövlət Mükafatı Laureatıdır.

Nəsibə Zeynalova 10 mart 2004-cü ildə Bakıda vəfat edib. Məzarı Fəxri xiyabandadır.

SON DƏQİQƏ! Bakıda 12 məktəbdə dərslər dayandırıldı - SİYAHI   |     Nərmini qətlə yetirməkdə təqsirləndirilən şəxsin məhkəməsi başladı   |     “TikTok” videosu çəkən avtobus sürücüsü işdən çıxarıldı   |     Bu ay Bakıda normadan 7 dərəcə yüksək istilik qeydə alındı   |     "Dəyərli sənətçilər ölkədən getməsin, musiqi alətlərini satmasınlar" - TÜNZALƏ AĞAYEVA   |     Uzun müddət maska taxmaq beyinə zərər verir və bu xəstəliklərin kəskinləşməsinə səbəb olur - Həkimdən HƏYƏCAN TƏBİLİ   |     Müdafiə Nazirliyinin yüksək rütbəli zabiti VƏFAT ETDİ   |     Daha 425 nəfər koronavirusa yoluxdu - 515 nəfər sağaldı   |     “Kapital Bank”ın filial müdiri İNTİHAR ETDİ   |     Sabah güclü külək əsəcək - XƏBƏRDARLIQ   |     Samirənin növbəti Aygün Kazımova tərzi - Fotolar   |     Sibel Canla istirahətdə olan vaxt aparıcıya evlilik təklifi edib   |     Təmsilçimiz “Eurovision”un açılış mərasiminə yollandı   |     Azərbaycanlı bodibilder AVROPA ÇEMPİONU OLDU   |     Bu gündən məktəblər AÇILIR   |     GÜNÜN ULDUZ FALI - 17.05.2021   |     Bu gün şəhidimiz Cəlil Xeyrullayevin doğum günüdür   |     Putin Brilliant Dadaşovanın həyat yoldaşını mükafatlandırdı   |     Türkiyədə koronavirusa yoluxma sayı azaldı   |     Gürcüstanda azərbaycanlılarla svanlar arasında kütləvi DAVA - VİDEO   |    

Son xəbərlər

Bu gündən məktəblər AÇILIR

00:35   |   17.05   |   44

GÜNÜN ULDUZ FALI - 17.05.2021

00:32   |   17.05   |   52