1.05.2021 - 429 - Sosial
Böyük Britaniyada heyvanlara əziyyət verənlərə 5 il həbs cəzası veriləcək.
SHOWXEBER.AZ xəbər verir ki, Böyük Britaniyada heyvanlara qarşı zorakılıq edənlərə veriləcək həbs cəzası 6 aydan 5 ilə qaldırılıb. Yenilənmiş heyvan sağlamlığı haqqında qanun kraliça II Yelizabetin təsdiqindən sonra iyunun 29-da qüvvəyə minəcək.
Qanuna əsasən it döyüşləri, it və pişik balalarının istismar edilməsi, itin qulağının kəsilməsi və ferma heyvanlarının ağır şərtlərlə işlədilməsi cinayətlərini törədənlər bu formada cəzalandırılacaqlar. Qanunla bu cinayətləri törədənlərə limitsiz pul cəzası da kəsilə bilər. Bu baxımdan Avropada ən sərt tənzimləmələrdən biri olan qanun Finn Qanunu olaraq adlandırılır. Adını şübhəli şəxsi izləyərkən bıçaqlanan Finn adlı polis itindən alan və 2019-cu ilin iyununda qüvvəyə minən Finn qanunun yenilənməsi sayəsində təkcə xidmət sahələrində istifadə olunan at və itlər deyil, digər heyvanlar da müdafiə olunacaq. Heyvan haqları müdafiəçiləri qanunun heyvan haqlarının müdafiəsi üçün doğru addım olduğunu bildirirək bu istiqamətdə daha sərt addımların atılmasını məqbul sayır./sfera.az