"Yemək almağa pulumuz olmurdu, oğurluq edirdik"

"Bacımla Bakıya gəldik. Minayə xala adlı bir xanımın evində kirayə qaldıq. Çox kiçik bir otaqda bacımla qalırdıq. Rayondan valideynlərimiz pul göndərirdi. Bütün pulu geyimə xərcləyirdim, yemək almağa pulumuz olmurdu, ac qalırdıq".

Axşam.az xəbər verir ki, bu sözləri aparıcı Zaur Kamal deyib. "Onun sirri" proqramında qonaq olan aparıcı yaşadığı çətin günlərdən danışıb:

"Evdə soyuducu ortaq idi. Həm ev sahibi, həm də biz yeməklərimizi ora qoyurduq. Dərsdən ac gəlirdim. Soyuducunu açanda yeməyə heç nəyimiz yox idi. Məcbur qalıb ev sahibinin yeməklərini götürürdük. Oğurluq edirdik. Özümə sığışdırmırdım, çox pis olurdum, amma məcbur idim. Onlar da bilirdilər. Bacım məni danlayırdı ki, belə etmə. Deyirdim axı acıq".