2.05.2021 - 371 - Sosial
VƏTƏN.Ana qədər müqəddəs,Ana qədər əziz Vətən.Qeyrətimiz,ümüd yerimiz,qibləgahımız Vətən.
Uğrunda canımızdan keçdiyimiz,yolunda qurban dediyimiz,savaşlara girdiyimiz Vətən.Vətən yolunda şəhid olmaq Allah qatında ən ali məqamlardandır.Bu müqəddəs məqama,şəhidlik zirvəsinə yüksələn qəhrəmanlarımızdan biri də 2-ci Vətən müharibəsinin iştirakçısı, 2000-ci il təvəllüdlü şəhid Cavid Vahid oğlu Abdullayevdir.
Cavid Qax rayonu Qaşqaçay kəndində anadan olub.Yaşıdları arasında vətənə sevgisi ilə fərqlənən Cavid 2019-cu ilin aprelində Qax rayonundan həqiqi hərbi xidmətə çağrılıb. Bu ilin yəni 2021-ci ilin oktyabrında ordu sıralarından tərxis olunacaqdı. 27 sentyabrdan başlayan Vətən müharibəsində iştirak edən Cavid Füzuli istiqamətində gedən döyüşlərdə mübarizlik,qorxmazlıq və qəhrəmanlıq nümayiş etdirib.Mənfur düşmənə aman verməyən Cavidin oktyabr ayının ortalarından ailəsi ilə əlaqəsi kəsilir.Nigarançılıq içində olan ailəsi bir müddətdən sonra Cavidin şəhid olması xəbərini alır..Şəhidin üçrəngli bayrağa bükülmüş nəşi 13 dekabr doğulduğu Qaşqaçay kəndinə gətirilir və böyük xalq izdihamı olə kənd qəbiristanlığında torpağa tapşırılır. Dəfn mərasimində şəhidin yaxınları, Qax rayonunun rəhbərliyi, hüquq-mühafizə orqanlarının əməkdaşları və ictimaiyyət nümayəndələri iştirak etdilər.Şəhidimiz haqqında xoş sözləri,xoş xatirələri ilə bölüşdülər,Cavidin timsalında bütün şəhidlərimizin ruhuna dualar oxudular.
Vətən torpağı şəhid qanı ilə yoğrulanda müqəddəs olur.Şəhadətin mübarək qəhrəmanım!
Bizi instagramda izləyin
