26.11.2019 - 353 - Maqazin
"Heç bilmirəm haradan başlayım. Birinci dəfədir ki, Nyu-Yorka gedirdim. Oranı görmək istəyirdim. Maraqlı idi ki, musiqiçilər necə işləyir, yaşayır. Onların işə yanaşması tamamilə başqadır. Mən daha çox Bakıdakı iş ab-havasını bəyənirəm.
SHOWXEBER.AZ axşam.az-a istinadən xəbər verir ki, bu sözləri AzTV-də yayımlanan "Gün başladı" proqramında Əməkdar artist Səbinə Babayeva deyib. O, bir neçə gün öncə döndüyü Amerika haqda təəssüratlarını bölüşüb:
"Nyu-Yorku başqa cür təsəvvür edirdim. Filmlərdə gördüyümüz şəhər, sən demə, oranın cəmi bir rayonudur. O da Manhetten adlanır. Qalan beş rayonu böyük bir kənddir. Bakıya, Moskvaya, 8-ci kilometr qəsəbəsinə (Vasmoy) oxşar bir yerlərdir. Məəttəl qalmışam ki, Amerika bu imiş? Bizə göstərilən ancaq Manhettendir".