22.06.2020 - 312 - Maqazin
Əməkdar artist Cavanşir Məmmədov "Ay Zaur" proqramında qonaq olub.
Müğənni anası ilə bağlı açıqlama verib. O bildirib ki, atası dünyasını dəyişəndən sonra anasının yenidən ailə həyatı qurmasını istəyib:
"13 yaşımda atam rəhmətə getdi. 23 yaşımda anama dedim ki, ailə qur. Görürdüm ki, anam hər gün əziyyət çəkir. Atamdan sonra anam il yarım işləmədi. Dayım dedi ki, nə qədər ömrüm var sizə baxacam. Özüm işləyirdim, pul qazanırdım.
Anama yazığım gəldi, dedim, cavandır, insandır.
Həyat adama bir dəfə verilir. Anamın fikrini öyrənməli idim. Anama o sualı verməsəydim, hissiyatsız biri olardım. İkimiz idik, oturmuşduq. Dedim, sən də əziyyət çəkirsən, həyatdır, atam rəhmətə getdi. Qayıtdı ki, məsləhətini saxla, mənə vermə. Razı olarsan ki, kiməsə ata deyəsən? Dedim ki, onsuz o, sözü deyən deyiləm. Anam da cavab verdi ki, onda otur yerində".
Axsam.az