Doktor Rəşid Mahmudov: Belə olmaz, əhalinin oksigen qəbul etməsi üçün şərait yaratmaq lazımdır

"Belə olmaz, əhalinin oksigen qəbul etməsi üçün şərait yaratmaq lazımdır”.

Bunu Moderator.az-a açıqlamasında tanınmış ictimai xadim, Tibb Universitetinin dosenti Rəşid Mahmudov deyib. R.Mahmudov avqustun 5-dən sonra karantin rejiminin yumşaldılmasının vacibliyini vurğulayıb:

“Mən də üç gündür ki, Gədəbəyə gəlmişəm və burda da yağış yağır. İnsanlara hava almaları üçün şərait yaratmaq lazımdır. Mənim ehtimalımla bizdə koronavirus bitməli və karantin rejimi ləğv edilməli idi. Çünki ultrabənövşəyi şüanın təsirindən insanların bədənində bu virus ölməli idi.

Bunun bir geni olmalıdır, amma deyirlər ki, koronavirusun qırx geni var, bütün virusların genini özünə çəkib.

Ölkəmizdə artıq yoluxmaların sayında azalma var və insanlarımız da diqqətli olmalıdır. Buna görə də avqustun 5-dən sonra karantin rejiminin yumşaldılması vacibdir. İnsanları rayonlara buraxmırlar, belə olmaz. Əhalinin oksigen qəbul etməsi üçün şərait yaratmaq lazımdır”.