Fərid Ağanın "radar"ına düşmüş əcnəbi ulduz

Tanınmış “hitmaker”,  söz yazarı-bəstəkar  Fərid Ağa “Şou-biznesin “Meqa Star” qadın və kişi müğənnisi kimdir?” sualına cavab verdiyi açıqlamaları ilə gündəmi alt-üst edib.  

Showxeber.Az xəbər verir ki, bəstəkar üçün qadınlar arasında “Meqa Star” xalq artistləri Aygün Kazımova və Röya Ayxandır:

 “Ümumiyyətlə, mən qadın müğənniləri çox istəyirəm. Sevda Ələkbərzadə, Röya Ayxan, Aygün Kazımova... Mənə elə gəlir ki, indi şou-biznesdə qadınlar arasında “Meqa Star” Aygün Kazımova və Röyadı. Nəyə görə? Çünki stabil işləyirlər, camaat indi onları daha çox istəyir”.

Fərid bildirib ki, hazırda şou-biznesdə kişilər arasında “Meqa Star” xalq artist Miri Yusif və müğənni Çingiz Mustafayevdir: “İndi kişilər arasında “Meqa Star”, ulduzlar Miri Yusif və Çingiz Mustafayevdir.Nəyə görə? Hazırda Miri Yusifin dinləyicisi çoxdur, sevilir. Amma etiraf edim kİ, Çingiz də ulduzdur”.

Bəstəkar "Rusiyanın Xalq artisti Filipp Kirkorovu ulduz hesab etmirəm" deyib.