Moskva Koçaryanı hakimiyyətə hazırlayır –

Moskva Koçaryanı hakimiyyətə hazırlayır – TƏHLİL

Sosial 07-apr, 18:17 39
Ermənistanın ikinci prezidenti Robert Koçaryan həm Baş nazir Nikol Paşinyana, həm də Azərbaycana qarşı revanş marşrutunu Moskvadan götürür.

Təbii ki, elə Kremlin bəzən gizli, bəzən də aşkar xeyir-duası ilə.

Koçaryanın Rusiyanın “Birinci kanal”ında Moskvanın təbliğat aparatındakı əsas vintlərdən olan Vladimir Poznerə müsahibəsi belə deməyə əsas verir.

Koçaryan müsahibəsində Ermənistanda gözlənilən növbədənkənar parlament seçkilərində iştirak edəcəyini söyləyir və əslində Rusiyanın maraqlarını dilə gətirir.

 Nikol Paşinyan hakimiyyətə gəldikdən sonra anti-Rusiya ritorikasından əl çəkmir, əqrəbləri Qərbə doğru çevirir. Təbii ki, Rusiya ilə münasibətlərin vacibliyini də vurğulayır, lakin bu Moskva üçün natamam mövqedir.

Rusiyaya tam sözə baxan, sorğusuz itaət edən, sadiqlikdən çox marionetka olan bir siyasətçinin hakimiyyətdə olması lazımdır.

Paşinyan diplomatik-siyasi əlaqələrdə iki stulda oturmağa cəhd edir, lakin Rusiyanın təsiri bütün ağırlığı ilə Paşinyan komandasının üzərində hiss edilir. Bununla belə Rusiya əlavə problem istəmir, buna görə də, Ermənistanda öz hakimiyyətini ağrısız bərqərar etmək niyyətləri ilə hərəkətə keçir.

Bunun üçün “əl quzusu” kimi bir fiqur lazımdır ki, bu da Koçaryandır. Rusiya Ermənistandakı növbədənkənar parlament seçkilərinə öz namizədi Koçaryanı hazırlayır və Paşinyana real opponent kimi irəli çəkir.

Kreml Ermənistanla bağlı perspektiv planlarını məhz Koçaryanı hakimiyyətə gətirmək vasitəsilə reallaşdırmağa çalışır.

Bunun üçün isə Rusiyanın dövlət nəzarətində olan kanalında nüfuzu darmadağın olmuş və erməni cəmiyyətində nifrətlə yad edilən Koçaryana real təbliğat platforması təqdim edilir
Koçaryan müsahibəsində Rusiyaya minnətdarlıq hisslərini başqa ad altında ifadə edir.

“Əgər Rusiya prezidentinin şəxsi, fəal müdaxiləsi olmasa idi, Azərbaycan bütün Dağlıq Qarabağı alacaqdı”- Koçaryan belə deməklə Moskvaya hər şeyə görə “sağ ol” deyir.

Vladimir Poznerə verdiyi müsahibədə Robert Koçaryan əvvəllər göstərilməmiş ambisiyalarını daha dolğun şəkildə ortaya qoyur və erkən seçkilərdə Rusiya geopolitikasının “səfiri” olacağına işarə edir.
Bu arada, müsahibənin yayımlanma tarixi ilə paralel olaraq Robert Koçaryanın Rusiya Prezidenti Vladimir Putinlə onlayn görüşü diqqət çəkir. Fikir verin, telefon söhbəti yox, məhz onlayn görüş. Görüşün mahiyyətində seçkiqabağı Koçaryanı hakimiyyətə hazırlamaq planının işartıları görünür.

Onlar Ermənistandakı vəziyyəti və regiondakı son durumu müzakirə ediblər. Maraqlıdır, Koçaryan hansı statusla Rusiya kimi nəhəngin lideri ilə müzakirə aparır? Burada yalnız bir amil önə çıxır – sırf Kremlin adamı qismində.

Bəs Koçaryan Ermənistanda Rusiyanın mənafeyi naminə, xalqın dəstəyini qazanaraq dominant təmsilçi ola bilərmi? Əlbəttə ki, xeyr. Ermənistan üçün Koçaryanın hakimiyyət kürsüsündə əyləşməsi böyük fəlakətdir və erməni xalqı buna görə ona sərmayə qoyası deyil.

Aqşin Kərimov
Ramazanın ilk gününün duası, imsak və iftar vaxtı   |     Türkiyədə Rekord Yoluxma 59 187 nəfər koronavirusa yoluxdu - 34 455 nəfər sağaldı   |     “Eyyub Yaqubovun bığı xoşuma gəlir” - Elza Seyidcahan   |     SON DƏQİQƏ! Türkiyədə karantin rejimi sərtləşdirildi   |     ABŞ-ın 23 ştatında maska taxmaq tələbi LƏĞV EDİLDİ   |     Məşhur aktyor xərçəngdən vəfat etdi   |     Videosu yayılan qazi xəstəxanaya yerləşdirildi   |     Daha 2457 nəfər koronavirusa yoluxdu - 2002 nəfər sağaldı   |     Ramazan ayı necə keçiriləcək? - Qaydalar AÇIQLANDI   |     Sabah Bakıda yağış yağacaq   |     "Niyə də İrəvana qayıtmayaq?" - İlham Əliyevdən düşmən ölkəni silkələyəcək sözlər   |     Aygün Kazımovanın 6859 manatlıq aksesuarları - FOTO   |     Özcanın həbsini tələb etdi   |     "Övladıma görə ona dillənmirəm" - Eks ərindən Tünzaləyə   |     Niyaməddin Musayev xəstəxanadan evə buraxıldı   |     Mehin bu dəfə "Ağlama" oxudu - Video   |     14 yaşlı oğlan intihar məktubu yazıb, özünü binadan atdı   |     İlham Əliyev çıxış edəcək   |     İranda Ramazan ayı ilə bağlı məhdudiyyətlər açıqlanıb   |     Türkiyədə daha 54 562 nəfər koronavirusa yoluxdu - 41 218 nəfər sağaldı   |    
Oxşar xəbərlər
z