Parlament Paşinyanı Baş nazir seçmədi

Ermənistan parlamenti bazar ertəsi keçirilən növbədənkənar iclasda respublikanın baş naziri postuna yeganə namizəd olan hazırkı Baş nazir Nikol Paşinyanı seçməyib. 

SHOWXEBER.AZ  "Sputnik Armeniya"ya istinadən xəbər verir ki, hakim “Mənim addımım” fraksiyası səsvermədə bitərəf qalıb. “Çiçəklənən Ermənistan” müxalifət qrupu iclasda iştirak etməyib.  Müxalif “Parlaq Ermənistan” fraksiyası isə əleyhinə səs verib. Bununla da parlamentin buraxılması prosesinə start verilib.

Qeyd edək ki, səsvermə prosesi parlamentin buraxılması və erkən parlament seçkilərinin keçirilməsi məqsədi ilə başladılıb.