"İnsan dözmür, koronavirus kimləri aldı bizdən"

Xalq artisti Gülyanaq Məmmədova mərhum Arif Quliyevlə vida mərasiminə qatılıb.

Axşam.az-a açıqlama verən müğənni aktyorla bağlı xatirələrini bölüşüb:

"Gözəl insan, hamımıza gülüş bəxş edən aktyorumuz getdi. Qonşu idik, o qədər gözəl qonşu olmuşuq. Evimizin əzizi idi. O, bütün xalqın sevimlisi idi. Biz onun gülüşü ilə böyümüşük.

Dua edirik ki, bu bəla tezliklə bitsin. Koronavirus daha heç kimi aparmasın. İnsan dözmür, qorxu içində yaşayırıq. Koronavirus kimləri aldı bizdən... Hər gün deyirik virus indi kimi aparacaq.

Arif Quliyev heç kimin qəlbini qırmayıb. Ondan pislik görən olmayıb".