31.05.2021 - 508 - Sosial
İyunun 1-dən etibarən Türkiyədə yeni növ koronavirus (COVID-19) infeksiyası ilə mübarizə tədbirləri çərçivəsində tətbiq olunmuş məhdudiyyətlərin mərhələli şəkildə yumşaldılmasına start veriləcək.
Ötən bir il yarımda Türkiyə COVID-19 virusuna qarşı bütün formalarda mübarizə aparıb. Peyvəndləmə prosesində dünyadakı ilk on ölkə sırasına daxil olunub. İyun ayında peyvəndləmə prosesi bütün imkanların səfərbərliyi ilə daha da genişləndiriləcək.
SHOWXEBER.AZ xəbər verir ki, bu barədə Türkiyə Prezidenti Rəcəb Tayyib Ərdoğan məlumat verib.
Dövlət başçısı bildirib ki, iyun ayında “Evdə qal!” rejimi həftənin ilk beş günü saat 22:00-dan ertəsi gün saat 05.00-dək, həftənin şənbə günləri tətbiq olunan eyni qayda həmin saatda başlayıb bazar ertəsi saat 05.00-dək qüvvədə olacaq. İyul ayında normallaşma prosesi gündəlik yoluxma vəziyyətinə uyğun tənzimlənəcək.
Kafelər, restoranlar, əyləncə mərkəzləri, idman zalları bazar günləri istisna olmaqla 07:00-dan 21:00-dək açıq olacaq. Bazar günü restoranların yalnız çatdırılma xidməti işləyəcək.
Pandemiya qaydaları nəzərə alınaraq 1 iyun tarixindən etibarən qapalı və açıq məkanlarda toyların keçirilməsinə icazə verilir.