18.06.2021 - 496 - Sosial
Şairə Nazilə Səfərlinin tanınmış jurnalist Xoşqədəm Hidayətqızının şikayəti əsasında bu gün məhkəmə qərarına uyğun olaraq 500 manat məbləğində cəriməni ödədiyi barədə məlumat yayılıb.
Showxeber.Az xəbər verir ki, bununla bağlı Kult.az-a açıqlama verən Nazilə Səfərli haqqında yayılan məlumatın həqiqəti əks etdirmədiyini deyib.
“Bu xəbərdən məlumatsızam. 500 manat cərimə ödəməmişəm. Əgər həqiqətən də belə bir cərimə ödəməli olsam, ödəniş qəbzini sizin üçün paylaşaram. Məni çox önəmsədiyi üçün və daim gündəmdə saxladığı üçün Xoşqədəmə minnətdaram”, - şairə bildirib.
Hüquq-mühafizə orqanlarından “Qafqazinfo”ya verilən məlumata görə, qanunvericiliyə uyğun olaraq məhkəmə tərəfindən barəsində qəbul edilən qərara əsasən Nazilə Səfərli Nizami Rayon Polis İdarəsinə dəvət edilib. Məhkəmə tərəfindən təyin edilən cərimənin ödənilməsi onun diqqətinə çatdırılıb. Nazilə Səfərli hüquqi öhdəliyi yerinə yetirərək barəsində təyin edilən cərimə məbləğini ödəyib. Hazırda onun barəsində heç bir axtarış yoxdur.
Xatırladaq ki, hər iki tanınmış sima arasında qalmaqal Nazilə Səfərlinin keçmiş qardaşı arvadının Xoşqədəm Hidayətqızının Xəzər TV də yayımlanan “Səni axtarıram” verilişinə müraciət etməsi ilə başlayıb.
Tərəflər arasında davam edən məhkəmə prosesi 2019-cu ildə başa çatıb. Bakı Apelyasiya Məhkəməsinin qərarı ilə şairə Hidayətqızıdan üzr istəməli, bir sıra saytlarda dediyi fikirləri təkzib etməli və xanım aparıcıya təzminat ödəməlidir.