5.08.2021 - 221 - Maqazin
Məşhur türkiyəli model Dəniz Akkaya fenomen Şeyma Subaşını kəskin tənqid edib.
Sfera.az bildirir ki, model bu barədə sosial media hesabında fikirlərini bölüşüb.
Məlum olub ki, ötən günlərdə Şeymanın su xizəyi üzərində qızı Melisa ilə paylaşdığı fotosu Akkayanı qəzəbləndirib. O, fenomeni azyaşlı qızını öz əməllərinə alət etməkdə və Türkiyədəki meşə yanğınlarına rəğmən, öz kefində olmaqda günahlandırıb.
"Sənin üçün artıq pis olmuram. Sadəcə bir şeyə təəssüf edirəm ki, qızın sənin kimi anadan həyatı öyrənir. Uşağı da əməllərinə ortaq elə ki, effekti çox olsun. Halaldır sənə. Maraqlıdır, uşaq "bu duman hardan gəlir” soruşsa, fantastik başınla nə cavab verəcəksən? Bu necə ruh halı, bu necə ruh pozuntusudur?”, - deyə model əlavə edib.
Akkaya öz qızını düşərgəyə göndərdiyini, amma son baş verən hadisələrə görə ədəbindən heç bir paylaşım etmədiyini vurğulayıb.
Xatırladaq ki, Şeyma Subaşı hazırda qızı və misirli sevgilisi ilə Bodrumda istirahət edir.