İbrahim Borçalı oğlunun ölümündən danışdı: "Getməyi bizi yandırdı" - VİDEO

"Qızıl kimi övlad idi. Nə yaxşı ki, bu həyata gəlmişdi. Amma tez getməyi bizi yandırdı”.

SHOWXEBER.AZ xəbər verir ki, bu sözləri müğənni İbrahim Borçalı qəzada ölən oğlu ilə bağlı "BAKU.TV”yə danışarkən bildirib.


Övladı Rəhimi faciəvi şəkildə itirən sənətçi həmin vaxt onun pandemiya səbəbilə Gürcüstanda qalası olduğunu deyib:


"Pandemiya ilə əlaqədar yollar bağlandı. Gürcüstanda qalası oldu. Mən özüm dedim ki, get əmilərinin, anamın yanında qal. 4 ay yarım qaldı, gələnə yaxın isə bu bədbəxt hadisə oldu. Qonşu uşağın yanında maşında otur, rayona get, heç nədən oldu, Allahın işidir. Verən də, alan da Allahdır".


Müğənninin həyat yoldaşı isə oğlunun ölümünü belə xatırlayır:


"Bakıda olanda bilmədim rəhmətə getdiyini. Gürcüstana gələnə qədər dedilər komadadır. Bura gələndə artıq hər şeyi öyrəndim, onda da artıq gec idi. Bir ana üçün dünyada bundan betər faciə yoxdur. Atasından xahiş etdim ki, oğlumuz son nəfəsini harada tapşırdığını görmək istəyirəm. Getdim həmin yerə... Orada sınıq şüşə qırıqlarını yığdım. Həmişə and içəndə bacısının canına and içirdi. Onun üçün müqəddəs idi. Söz vermişəm ki, nə qədər gücüm var, Rəhimin istədiyi kimi bacısı xoşbəxt olsun".


Xatırladaq ki, sənətçinin övladı ötən il iyulda ağır yol qəzası zamanı vəfat edib. Türkiyədəki Aydın Adnan Menderes Universitetində "İqtisadiyyat və maliyyə” ixtisası üzrə təhsil alan Rəhimin 21 yaşı var idi./sfera.az