Gündəlik Bürclər - 30.10.2021

Qoç
Gün bir sıra xırda sürprizlər gətirəcək. Şəxsi işlərinizdə nə qədər az təşəbbüs göstərsəniz, bir o qədər yaxşılığa doğru dəyişikliyin şahidi olacaqsınız. Cəsarətli fantaziyalardan çəkinməyin, çünki bu, sizin yarınızın xoşuna gələcək.

Buğa
Adi günlərdən biridir, yəni heç nə baş verməyəcək. Nə qələbədən, nə də hansısa problemdən söhbət gedə bilməz. Günün gedişatı əhvalınıza da təsir edəcək. Nəticədə birdən coşub-daşmaqla işləri korlayacaqsınız. Daha sonra da öz günahınızdan baş verən münaqişəyə aydınlıq gətirməyə çalışacaqsınız.

Əkizlər
Diqqətli olun. Ulduzlar iddia edir ki, yaxın zamanlarda öz maraqlarınız üçün istifadə edə biləcəyiniz informasiya alacaqsınız. Ailə-məişət məsələlərində həllini gözləyən işlər var ki, onların da məsuliyyəti sizin üzərinizdədir.

Xərçəng
Ideyalarınız dost və yaxınların ürəyincə olacaq. Əgər onları reallaşdırmaqdan boyun qaçırsanız, dostlar buna sizi məcbur edəcəklər. Uşaqlarla ünsiyyətdə çətinliklər gözlənilir. Uşaqlar sizin gözünüzdə şıltaq göründükləri kimi, siz də onlar üçün darıxdırıcı həmsöhbət olacaqsınız.

Şir
Bu gün nədənsə, heç nə xoşunuza gəlməyəcək. Amma ciddi problem gözlənilmir. Pulu göyə sovuranlardansınız. Alış-verişə çıxmaqla evə boş cüzdamla qayıdırsınız. Ən pisi də odur ki, aldıqlarınızın əksəriyyəti faydasız olur.

Qız
Işdə bir sıra nailiyyətləriniz olacaq. Söhbət o işlərdən gedir ki, onları başqaları reallaşdıra bilmir. Əks cinsin nümayəndələrini cəlb etmək ürəyinizdən keçən istəklərdən biri olacaq. Amma bu cəhdiniz yersizdir, çünki həmişə bu istəyin ucbatından gülünc vəziyyətə düşürsünüz.

Tərəzi
Vaxtınız az, işləriniz isə çoxdur. Tərslikdən yığılıb qalan işlərin öhdəsindən sizdən başqa heç kim gələ bilmir. Şəxsi müstəvidə xoş dəyişikliklər nəzərə çarpacaq. Bürcün nümayəndələri yaxınlarıyla mübahisədən qaçmaqla yanaşı, romantik münasibətlərini daha da parlaq edəcəklər.

Əqrəb
Gün çətinliklər gətirəcək. Eyni vaxtda bir neçə işin qulpundan yapışmaqla işlərinizi daha da bərbad günə salırsınız. Bir əldə bir neçə qarpız tutmaq cəhdiniz ətrafdakılarda gülüş doğuracaq. Təbii ki, nəticədə heç birini doğru-düzgün tamamlaya bilməyəcəksiniz. Ailədə də münaqişə baş verəcəyi ehtimal edilir. Yalnız axşamüstü özünüzü rahat hiss edəcəksiniz.

Oxatan
Yeni tanışlıq böyük perspektivlərlə bağlı olacaq. O, təkcə romantik planda deyil, həmçinin işgüzar sferada da böyük dəyişiklik vəd edir. Günün ikinci yarısı özünüzə diqqəti cəlb etmək baxımından münasib gündür.

Oğlaq
Heç kəsə etibarınız yoxdur, hətta ən yaxınlarınızdan belə, öz maraqlarınızı gizlədirsiniz. Xoşbəxtlikdən özünüzə qapılarkən yaxınlarınız sizi tənbeh etmir. Əgər artıq problem istəmirsinizsə, onda bir balaca da olsa, mehribanlıq göstərin. Vacib işlərinizi günün birinci yarısına təyin etməyiniz məsləhətdir.

Dolça
Dolaşıq situasiyaya düşəcəksiniz. Ətrafdakılar sizi bütün çətinliklərin və problemlərin günahkarı hesab edəcək. Bu vəziyyətdən çıxış yolu tapmaq elə də asan olmayacaq. Ulduzlar bildirir ki, bu istiqamətdə atılmış birinci cəhdiniz uğursuz olsa da, çıxış yolu tapacaqsınız.

Balıqlar
Tələsmək lazımdır. Çünki bugünkü pozitiv işartıları sabah tapa bilməyəcəksiniz. Bu üzdən də vacib görüş və işlərinizi təxirə salmayın. Ən yaxın adamla aranızda problem yaranacağı ehtimalı da var. O cümlədən romantik görüş də sizin ümidlərinizi doğrultmayacaq.