"Onu harada görsəm, şillə vuracam" - Kərimlə Niyamın davası

"İndi aramızda heç nə yaxşı deyil. Kəsdiyim çörəyə hörmətlə yanaşıram. Üç ildir danışmırıq. Niyam Salami ilə əvvəl küsəndə darıxmışam. İnsan bir, iki, üç dəfə səhv edər. Onu qoyarsan qabağına, başa salarsan ki, düz etmirsən. Dəfələrlə başa saldım".

 SHOWNEWS.Az xəbər verir ki, bu sözləri müğənni Kərim Abasov "Səhər mərkəzi" verilişində deyib. Bir vaxtlar dost olduğu həmkarı Niyam Slamidən danışan ifaçı onu qarşısına çıxdığı yerdə döyəcəyini bildirib:

"Onun eqosu var. O qədər "mən, mən" deyir. Bir dəfə də evində oturmuşduq, başladı "mən, mən" deməyə. Yumruğu stola vurdum, ona əl qaldırmaq həddinə çatmışdım. Aramıza adamlar girdi, yoxsa, əlbəyaxa dava edəcəkdik. Heç vaxt sənətçi arasında sənətdən danışmağı sevmirəm. Hamı yanımda danışıb, mən susmuşam. Eqodan uzaq olmuşam. İnsan qarşımda deyəndə ki, məndən başqası yoxdur, olmur. 

Sonra oturub ortaq dostlar arasında haqqımda danışıb, məni pis və aqressiv təqdim edib. Niyamı harada görsəm, ona ata şilləsi vuracam. Təbi ki, o dərəcəyə çatmaz, çörək kəsmişik. Nə vaxtsa səhvini başa düşəcək, amma onunla barışmaq istəmirəm".