13.12.2021 - 142 - Sosial
"Azərbaycanda bir də heç vaxt kəskin karantin tədbirlərinə gedilməyəcək”.
Sfera.az bildirir ki, bunu tibb elmləri doktoru, professor Musa Qəniyev deyib.
"COVİD-19-la mübarizədə həlledici hücum vasitəsi olan hamam və saunalarla bağlı məhdudiyyət də aradan qaldırıldı. Bunun faydasını cəmi bir ay sonra, koronavirusa yoluxmanın kəskin statistik azalması zamanı görəcəyik”, - deyə bildirən mütəxəssis qeyd edib ki, "Omikron” ştamının da heç bir qorxusu yoxdur:
"”Omikron” ştamı pandemiyanın əbədiyyətə qovuşmasıdır. Çox keçməyəcək, hamı bunun canlı şahidi olacaq. Ümumdünya Səhiyyə Təşkilatı da yeni variantın COVİD-19 və əvvəlki mutant ştamlardan daha yolxucu, lakin onlarla müqayisədə patogenliyinin zəif olduğunu və qorxulu hesab edilmədiyini bildirib. Bu da artıq pandemiyanın tezliklə başa çatması haqqında elmi qənaətin dolayı təsdiqidir”.
Günay Rəsulqızı