15.12.2021 - 149 - Maqazin
Əməkdar artist Mətanət İsgəndərli oğlu Kərim üçün elçi getməsi məsələsinə reaksiya verib.
Axşam.az xəbər verir ki, bu haqda müğənni "10-da görüşək" proqramında danışıb. İsgəndərli Kərimin ikinci dəfə evlənməsi ilə bağlı suala əsəbiləşib.
"Həqiqətləri ancaq mən deyə bilərəm. O da lazım gəlsə... Gözəl xəbərlər olanda eşidəcəksiniz. Bunlar heç nə demək deyil, özüm xəbər edəcəm. O qədər eyni adda adamlar var ki... Bir odur? Bu bir təsadüfdür. Qucağımdakı tort da reklamdır. Məsələn, bacımın qızının evində də nişan olub" deyə, ifaçı söyləyib.
Qeyd edək ki, ötən gün M.İsgəndərlinin eks-gəlini Canana müğənninin oğlu Kərimin ikinci dəfə ailə həyatı quracağı barədə instaqramda məlumat vermişdi. Mətanət İsgəndərli eyni zamanda üzərində "Allahın əmri, peyğəmbərin izni ilə qızınız Ayseli oğlum Kərim üçün istəməyə gəlmişik" yazısı olan tort paylaşıb. Kərim oktyabrda həyat yoldaşından boşanıb və 3 övladını anadan alıb.