İlin ən yaxşı məşqçisi o seçildi

Britaniyanın “FourFourTwo” nəşri 2021-ci ilin ən yaxşı məşqçilərinin adını açıqlayıb.

Bizim.Media xəbər verir ki, İngiltərənin “Mançester Siti” klubunu çalışdırıcısı Xosep Qvardiola ilin ən yaxşı məşqçisi elan olunub.

İlk üçlükdə “Çelsi”nin baş məşqçisi Tomas Tuxellə “Liverpul”un çalışdırıcısı Yurgen Klopp da yer alıb.

İlk 10-luqda isə müvafiq olaraq Antonio Konte (“İnter”, “Tottenhem”), Hans-Diter Flik (“Bavariya”, Almaniya), Roberto Mançini (İtaliya), Dieqo Simeone (“Atletiko”), Yulian Naqelsmann (“Leypsiq”, “Bavariya”), Qaret Sautqeyt (İngiltərə) və Mauritsio Poçettino (PSJ) yer alıb.