"Mənə zəng etməsinlər, kənara çəkildim" - Zamiq Hüseynov

"Gecənin aparıcısı Leyla Quliyevadır. Hamı "Darıxdım" duetimizi çox bəyəndi, əgər alınarsa, onu birgə oxuyacağıq. Elşad Xose, Röya Ayxanla da duetimizi ola bilər. Amma bəlli deyil hələ...".

SHOWXEBER.AZ xəbər verir ki, bu sözləri müğənni Zamiq Hüseynov yanvarın 7-də verəcəyi konserti ilə bağlı açıqlamasında deyib. Sənətçi biletlərin tez satılıb bitdiyini, dostlarına belə dəvətnamə verə bilmədiyini söyləyib:

"Konsertin məqsədi əvvəldən bəllidir. Bilet satışa çıxarılan gündən 2 saata bitdi. Kimsə, hətta dostlarım bele bilet üçün mənə zəng etməsin. Mən tamamilə kənara çəkildim, anonslardan da hər şey məlumdur. Öz yaxınlarıma bilet almaq istədim, bitmişdi artıq, təsəvvür edin. Vəziyyət düzələndə söz verdiyim kimi 2-3 gün silsilə konsert verməyi düşünürəm".

Qeyd edək ki sənətçinin 7 yanvar 2022-ci ildə Heydər Əliyev Sarayında baş tutacaq "Var ol" adlı musiqili gecəsi şəhid və qazi ailələrinə həsr olunacaq. Əmək və Əhalinin Sosial Müdafiəsi Nazirliyi və Mədəniyyət Nazirliyinin dəstəyi ilə həyata keçiriləcək konsertdə əsasən şəhid və qazi ailələri dəvətli qismində yer alacaq. Satışa çıxarılan biletlərdən əldə olunacaq vəsait isə "Yaşat" fonduna ianə ediləcək.