Məşhur aktyor həbs oluna bilər

Məşhur türkiyəli aktyor İlyas Salman 2 il müddətinə həbs oluna bilər.

Axşam.az türk mediasına istinadən xəbər verir ki, aktyor ötən il yanvarın 25-də sosial şəbəkə hesabında etdiyi paylaşımda türk millətini alçaltmaqda ittiham olunur.

Məsələ ilə bağlı İstanbul Baş Prokurorluğunda məhkəmə iddiası qaldırılıb.

İddianamədə aktyora sosial şəbəkədəki paylaşımında türk millətini, Türkiyə dövlətini, Böyük Millət Məclisini və məhkəmə orqanlarını təhqir edən ifadələr işlətdiyi qeyd olunub. Bu səbəbdən İ.Salmanın 6 aydan 2 il müddətinə qədər həbs olunması tələb edilir.

İddianamə məhkəmə tərəfindən qəbul edilib. Aktyor mart ayında Anadolu Məhkəməsində mühakimə olunacaq.

Qeyd edək ki, İ.Salman "Hababam sınıfı", "Çöpçüler kralı", "Kibar Feyzo" və "Banker Bilo" kimi ekran işlərində rol alıb.