"Sizin kimi bahalı maşınlar sürən müğənni yoxdur" - Nanədən Manafa

"Son vaxtlar kövrəlmişəm, yorulmuşam. İnsanlar o qədər etibarsız, haqsızdır ki... Kövrəlirəm, ağlayıram. Deyirəm, biz belə deyildik".

Axşam.az xəbər verir ki, bu sözləri müğənni Manaf Ağayev "Günün sədası" proqramında deyib. Sənətçi ünvanına deyilən tənqidlərdən danışıb. O bildirib ki, insanların ona qarşı aqresiv münasibətinə kövrəlir:

"Düşünürlər ki, bu gün kimin torbasın tikək. Kaş rayondakı evim yerində olardı, özümə uyğun qonşum olardı. Çağırardm ki, gəl oturaq dərtləşəq, bu insanları düşünməyək. Bezmişəm, kimsə zəng edəndə əllərim buz kimi olur ki, görəsən nə problemdir. Heyif... O qədər problemə görə zəng edirlər...".
Aparıcı Nanə Ağamalıyeva isə Manafa "Çox bahalı maşınlar sürürsüz, onun həyəcanını neçə gün yaşayırsız? Sizin kimi bahalı maşın sürən az müğənni var" sözlərini söyləyib.

"İnsanlar elə edir ki, guya, onlar işləyir mən yeyirəm. Nə etmişəm sizə" deyə, müğənni cavab verib.