20.01.2022 - 113 - Sosial
Prodüser, kino təşkilatçısı Aydın Abdullayev vəfat edib.
SHOWXEBER.AZ xəbər verir ki, bu barədə Azərbaycan Respublikası Kinematoqrafçılar İttifaqı (ARKİ) məlumat yayıb.
Qeyd edək ki, A.Abdulayev 20-yə yaxın animasiya filminin (“Pəncə… qulaq… palaz… tikan…” (1976), “Kirpi balası və alma” (1977), “Dəcəl dovşan” (1981), “Sən belə cımbılısan” (1982), “Göyçək Fatma” (II) (1988), “Şüalə” (1994) və s.) direktorudur. Bundan başqa, “Ümid” (1992) animasiya filminin prodüseri, “Çalalar”(2000) animasiya filminin isə icraçı prodüseri olub.
O, 2009-cu ildə “Harmoniya” qısametrajlı bədii filminin prodüseri olmaqla yanaşı, ekran işində aktyor kimi də çəkilib.
A.Abdulayev 1993-1994-cü illərdə "Azərbaycanfilm" kinostudiyasında direktor müavini, direktor əvəzi, 1994-2000-ci illərdə "Azərbaycanfilm" kinostudiyasının nəzdində fəaliyyət göstərən, əsasən animasiya filmləri istehsal edən "Azanfilm" kinostudiyasının direktoru olub.
Bizi instagramda izləyin
