14:03 Xatirə İslam yenidən əməliyyat olundu  |     07:40 Xoşqədəm Hidayətqızının həbsi tələb olunur  |     06:04 Mədəniyyət Nazirliyi Xalq artistinin ölümü ilə bağlı nekroloq yayıb  |     03:00 Lyubov Uspenskayanın Bakı konserti ləğv olundu  |     19:15 SON DƏQIQƏ! Xalq artisti vəfat ETDİ  |     14:04 Məşhur yazar: “Azərbaycanın haqqını yedilər”  |     14:03 Axtarışa verildiyi deyilən Afət Fərmanqızı həyat yoldaşı ilə Antalyada  |     14:02 Nadirlə Ayan sevgilidirlər? - AÇIQLAMA:"Artıq söz yazmayın"  |     12:50 Rəşad Dağlı danışdı - Onu üzr istəməyə kim məcbur edib?  |     11:14 ““Milyonçu” mənə heç nə qazandırmadı”  |     11:18 İbrahim Tatlısesin qızı nişanlandı FOTOLAR  |     22:20 Aygün Kazımovadan ekstravaqant FOTOLAR  |     22:17 Bakıda restoran sahibi Deniz Sekiyə “Ferrari” hədiyyə etdi  |     10:07 Ukrayna “Avroviziya”nın qalibi oldu  |     10:05 Azərbaycan 12 xalı Britaniyaya deyil, Ukraynaya veribmiş  |     10:35 Əməkdar artistin atası VƏFAT ETDİ  |     08:37 Damla oğlunun xərclədiyi pullardan danışdı: "Deyirəm ki, bu qədər saf olma"  |     22:18 “O pula xəstəxana tikmək olardı” - Nura SMA Amirdən yazdı  |     14:26 Aygünlə Rauf dördüncü dəfə bir araya gəldi  |     17:38 "Oğlumun toyuna çağırdım heç biri gəlmədi" - Nadir Qafarzadə  |    

Azərbaycanda koronavirusa yoluxanların karantin müddəti 7 gün olacaq

22.01.2022 - 37 - Sosial

Azərbaycanda koronavirusa yoluxanların karantin müddəti azaldılır.


SHOWXEBER.AZ xəbər verir ki, bu barədə Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi birgə məlumat yayıb.

Qeyd olunub ki, son zamanlar dünya ölkələrində SARS-CoV-2 virusunun “Omicron” ştamının yayılması halları müşahidə olunur: "Ümumdünya Səhiyyə Təşkilatı ölkələri xəstəliklə aparılan mübarizə tədbirlərinə yenidən baxmağa çağırır. Bu baxımdan, yeni ştamın spesifik xüsusiyyətləri nəzərə alınaraq test strategiyaları, karantin müddətləri, xəstələrin müşahidə və müalicə metodlarında dəyişikliklər olunur. Beynəlxalq təcrübəni və mövcud elmi araşdırmaların nəticələrini nəzərə alaraq, SARS-CoV-2 PZR test nəticəsi “müsbət” olan şəxslərin və onların müəyyən olunmuş “sıx təmaslı”larının təcrid (karantin) müddəti ölkəmizdə 24 yanvar 2022-ci il tarixindən etibarən 14 gündən 7 günə azaldılır.

“Omicron” mutasiyasının genetik xüsusiyyətlərini nəzərə alaraq vətəndaşlarımızdan səhiyyə qurumlarımız tərəfindən müəyyən olunmuş virusa yoluxma riskini azaldan göstərişlərə əməl etmələri xahiş olunur:

• Maska taxın.

• Tez-tez əllərinizi yuyun və ya antiseptik vasitələrdən istifadə edin.

• Fiziki məsafə saxlayın.

• İnsanların sıx toplaşdığı yerlərdən uzaq durun.

• Vaksin olunun.

Virusa yoluxduğunuz halda:

• Özünüzü ailə üzvlərinizdən mümkün qədər təcrid edin.

• Təcrid olduğunuz yeri tez-tez havalandırın.

• Gün ərzində 2 dəfə bədən hərarətinizi ölçün.

• Bol maye qəbul edin.

• Yataq rejiminə riayət edin.

• Hərarət yüksəldiyi zaman (38℃ və daha yuxarı) qızdırmasalıcı dərmanlardan istifadə edə bilərsiniz.

• 5 gündən çox müddətdə idarə olunmayan yüksək qızdırma (>38.5℃, qızdırma salıcı dərmanlara tabe olmayan) sizi narahat edərsə, ASM (poliklinika) ailə həkiminə (sahə həkimi pediatrı, sahə həkimi terapevti) məlumat verin.

• Ev şəraitində antibiotik, antiviral, hormonal, immunitet artırıcı müalicələrdən və venadaxili mayelərin köçürülməsindən uzaq durun.

• Qonşunun, qohumun, tanışın tövsiyəsinə əsasən dərman qəbul etməyin.

• Orta tibb işçilərinin tövsiyəsinə əsasən müalicə olunmayın.

Unutmayaq ki, vaksinasiya virusun istənilən mutasiyası ilə mübarizədə ən effektiv vasitə olaraq qalır. Vətəndaşlarımızı gücləndirici (“buster”) doza ilə vaksin olunmağa çağırırıq.


Showxeber Bizi instagramda izləyin



Xəbər xətti