Koronavirusa yoluxan və evdə karantində olan aparıcı Zaur Baxşəliyev "Bizimləsən" proqramına görüntülü zəng edib.
Axşam.az xəbər verir ki, verilişi müvəqqəti aparan Günay Baxşəliyeva oğlu Davudun Zaur üçün darıxdığını deyib.
Zaur həmin an kövrələrək "20 ildə bir gün də olsun efiri buraxmamışam. Belə vəziyyətə düşəndə qarşısındakıları anlayırsan, həsrət pisdir. Allah heç kimi övladı, valideynləri, doğmaları ilə sınağa çəkməsin. Heç vaxt övladını, atasını görməyəcək insanlar var həyatımızda. Emosiyalarıma sahib ola bilmədim. Allah heç kimi belə sınağa çəkməsin. Həsrət pisdir" sözlərini söyləyib.
Qeyd edək ki, Zaur Covid-19-a yoluxub və evində karantindədir. Ailəsi isə ondan ayrı yaşayır.