Elgizin 6000 dollarlıq burun əməliyyatı başına bəla oldu

"İllər əvvəl Türkiyədə burnumdan əməliyyat olundum. Burnumda problem vardı. 6000 dollarımı aldılar əlimdən. Burum əməliyyatıma bu qədər pulum çıxdı. Düzdü o zaman dolların məzənnəsi 70 qəpik olsa da, istənilən halda burun əməliyyatı üçün bu böyük məbləğdir".

SHOWXEBER.AZ  xəbər verir ki, bu sözləri "Elgizlə izlə" ictimai-sosial verilişinin aparıcısı Elgiz Əkbər canlı yayımda deyib.

Aparıcı illər əvvəl keçirdiyi uğursuz burun əməliyyatından "rinoplastika"dan söz açıb. E.Əkbər bildirib ki, o burun əməliyyatından sonra heç bir qorxu hiss etmir.

"Burun əməliyyatımı sadə həkim deyil, professor etmişdir. Türk sənət musiqisinin kralı İbrahim Tatlısesin müalicə olunduğu klinikada əməliyyatım olmuşdu. İndi ilk dəfə etiraf etmək istəyirəm ki, əməliyyatdan sonra heç bir qoxunu hiss etmirəm. Nə etdilərsə, sinirimi zədələdilər, nə iş gördülərsə, burun əməliyyatından sonra qoxu hiss etmirəm. Hərdən bir insan var xaricdən mənə çox bahalı ətir gətirir. Onu üzərimə vuranda ürəyimdə deyirəm ki, "Anan ölsün, mən onsuz da bu ətrin qoxusunu hiss etmirəm".