15.10.2022 - 75 - Maqazin
"Neçə ildir bağı tikirəm. İndi yeni evə köçdüm: hovuz, meyvələr, kabablar, qonaqlar. yayda öz evimdə kef etdim. Əməlli kökəldim. Son vaxtlar arıqlamışdım, formaya düşmək istədim".
Axşam.az xəbər verir ki, bu sözləri müğənni Natavan Həbibi "MTV maqazin"ə açıqlamasında deyib. Sənətçi uzun müddət sonra açıqlama verərək, sualları cavablandırıb. Natavan verilişlərə getmək üçün qonorar istəməsini tənqid edən aparıcılara bunları deyib:
"Bilirəm nəyi istəyirəm və tələb edirəm. Mövqeyim bəllidir. Çoxlarının xoşuna gəlməyə bilər. Bütün dünyada olan adi haldır. İstəyirəm bizdə də qanunlar olsun və tabe olunsun. Bu söhbət uzanacaq. Aparıcıların bir neçəsindən xoşuma gəlməyən fikir eşitdim: Biz olmasaq, onlar heç kimdir. Belə danışmaq olmaz. Heç kim heç kimi insan etməyib. Kiminsə yolu varsa, istedad bir gün üzə çıxacaq. Kiminsə əziyyətini kiçiltməkdən əl çəkin. Bu söhbətlər məni incidir. Heç kim deyə bilməz, onu adam etmişəm".
Keçmiş həyat yoldaşı, Dadodan danışan Natavan onun məhkəməyə gəlmədiyini bildirib:
"Filmdir, baxın... Bu mövzuları uzadıb, danışmaram. Danışılırsa, nə reaksiya verim? Alınmadı, boşanma prosesi gedir, məhkəməyə də gəlmir. Evin içində olur, efirdə danışmaq nəyə lazım? Neçə ildir boşanma prosesi ilə məşğuluq. Gah barışırıq, gah alınmır, gah məhkəməyə gəlmir. Biz valideynik, belə də qalacaq. Gəlirdi, uşaqla oynayırdı, lazım olanda qalırdı. Dostuq... Danışır, sonra gəlir keçirik söhbətin üstündən".
Qeyd edək ki, Natavan və Dado cütlüyünün bir oğul övladı var.