Şəfəq Novruz özü haqqında yayılan xəbərlərdən və qızının boşanmasından danışdı

Xalq artisti Ramiz Novruzun qızı, tanınmış stilist-vizajist Şəfəq Novruz həyat yoldaşı ilə ayrılması barədə yayılan xəbərlə bağlı danışıb.

OLAY yazır ki, instaqramda canlı açan Ş. Novruz məlumatı nə təsdiq, nə də inkar edib:

“Mənim burada “ailəm var, ərim var” deyə açıqlama vermək fikrim yoxdur. Mən Ramiz Novruzun qızıyam, durub burda ailəm, ərim haqda açıqlama verməyə məcbur deyiləm. Yazdığınız rəylər də özünüzə qayıtsın, inşallah balanızın başına gəlsin, özünüzdən çəkəsiniz”.

Stilist qızı Ayanın boşanması barədə də danışıb:

“Ayanın “Həcisi” də mənəm, dalında dayanan kişisi də mənəm, “saxlayanı” da mən. Ayan “Həci” tapıb ərindən boşanmayıb. Hər şeyi qıraqdan belə asan bilməyin. Hamı bilir ki, 99 faiz günah kişilərdə olur. Çünki heç bir qadın ailəsini dağıtmaq istəməz. Məndən sizə məsləhət, heç vaxt boşanmış kişiyə ərə getməyin. Həmin o qadının boşandığı kişi ilə bu gün sən tanış olmusan, çox xoşbəxtsən. Ama demirsən ki, onun canını qurtardığı kişi ilə indi sən ailə qurursan. Əlbəttə, o kişi ilə yaşayanda iç üzünü görəcəksən. Həmin o qadının yaşadıqlarını sən yaşayacaqsan. Bir kişi boşanıbsa, problem o kişidədir. Subaya da ərə getməyin. İkinci dəfə ailə qurursansa, subaya da getmək qorxuludur. Mində bir insanda ola bilər ki, həqiqətən səni ürəklə sevər”.