19.10.2022 - 89 - Maqazin
"Məşqlər zamanı biz klubda idik. Atam isə əlində balta ilə gəlib qapını sındırırdı. Əslində atam çox sakit insan olub. Onu anam öyrədirdi: get, qızın müğənni olmaq istəyir, məşqlərə gedir".
Bu sözləri Xalq artisti Zülfiyyə Xanbabayeva "Söhbət var" proqramında deyib. Müğənni bildirib ki, valideynləri onun sənətə gəlməsinə qarşı çıxıb.
Verilişdə yer alan Əməkdar incəsənət xadimi Vaqif Gərayzadə "Atası balta ilə gəlmişdi. Dedim ki, elə zaman gələcək ki, Zülfiyyə Xanbabayeva məşhur müğənni, Xalq artisti olacaq və sizə konsertinə bilet verməyəcək" sözlərini əlavə edib.
Z.Xanbabayeva "Doğrudan da oldu. Valideynlərim bir konsert olanda deyirdilər ki, bizə və ya dost, tanışımıza bilet tap ver. Mən də cavab olaraq söyləyirdim ki, gedin bileti özünüz alın" cavabını verib.
Bizi instagramda izləyin
