8.12.2022 - 105 - Maqazin
"Böyük ağrı-acı çəkdim, amma böyük sevgi qazanmışam. Əlbəttə ki, bunun bir bədəli olmalıdır. Ona görə Allahıma şükürlər edirəm. Verəcəyinə də, alacağına da şükürlər olsun. Buna görə nankorluq edə bilmərəm".
Axşam.az xəbər verir ki, bu sözləri Xalq artisti Nazpəri Dostəliyeva "Günün sədası" proqramında deyib. Müğənni oğlu Əlini itirməsindən danışıb:
"Acıların acısı var imiş... Övlad acısını mən yaşadım. Bilmədim… "Nə olar Allahım, ayırma bizi". Heç vaxt gözləməzdim ki, bu sözləri nə zamansa deyəcəyəm. Hər an göz yaşı axıtmışam. Çünki sevincim də olub... İndi artıq o dövrdən sonraki həyatımı yaşayıram".
Nazpəri övladının ona etdiyi son vəsiyyətindən danışıb:
"Əli son nəfəsində mənə 3 söz dedi: Dedi, haqqını halal et. Güclü qadınsan, sevənlərinin gözünü yolda qoyma, sənəti, səhnəni atma. Onun gedəcəyini bilmirdim. Baxırdım ki, nə deyir. Əlinin əmiləri, əmisi uşaqları, atası 40 yaşda ürəktutmadan vəfat edib. Təsəvvür etmirdim bizdə də olar. Əli heç vaxt demirdi ürəyi ağrıyır. Əməliyyat olunmuşdu, xəstəxanada yatmışdı, amma ürəyindən şikayətlənməmişdi".
Qeyd edək ki, N.Dostəliyevanın böyük oğlu Əli ötən il 41 yaşında ürək çatışmazlığından vəfat edib.