"Günay Musayevanı mən model etdim" - Elgizdən etiraf

Axşam.az xəbər verir ki, bu sözləri aparıcı Elgiz Əkbər "Elgizlə izlə" proqramında deyib. O, Türkiyədə məşhurlaşan azərbaycanlı modellə bağlı etiraf edib. Elgiz bildirib ki, Günayın model kimi məşhurlaşması onun hesabına olub:

"Bu haqda Günay heç vaxt danışmır. Bəlkə danışıb, mən bilmirəm. Amma hamı bilsin, buna peşman da deyiləm. Onun uğurlarına sevinirəm. Dünyanın bir çox ölkəsində yarışmada iştirak edib. O vaxt jurnalda çalışırdım, Günay müğənni olmaq, səhnəyə çıxmaq istəyirdi. Ona təklif etdim ki, model ol. Dedim ki, modellər təsadüf nəticəsində gəlir sənətə. onu model kimi yetişdirmək, müəllim yanına aparmaq, çalışdığım jurnalın üz qabığına çıxartmaq mənim ideyam idi. Günay Musayeva mənim layihəmdir. Model karyerasında ilk addımlarından Türkiyəyə qədər mən etdim. İlk dəfə Türkiyəyə ikimiz getdik".