31.12.2022 - 106 - Maqazin
Türkiyənin "Kanal D" telekanalının sosial media hesabındakı paylaşım tənqdilərə tuş gəlib.
SHOWXEBER.AZ xəbər verir ki, telekanalda yayımlanan "Camdaki kız" serialında rol alan aktrisa Nur Sürerin ekran işindən ayrılmasının ardından onunla bağlı paylaşım edilib. Belə ki, aktrisanın canlandırdığı "Feride" obrazının ölümü ilə bağlı paylaşımda "Feride İpekoğlu, 29 dekabr, 2022-ci il tarixində vəfat etmişdir. Ruhu şad, məkanı cənnət olsun" sözləri yazılıb.
İzləyicilər telekanalın bu addımını pisləyib, aktrisanın həyatda da vəfat etdiyini sandıqlarını düşünüblər.
Paylaşıma "Bu necə paylaşımdır, Nur xanımın fotosunu görüncə həqiqətən də kədərləndim. Bu paylaşımı silin", "Nur Sürer vəfat etdi deyə düşündüm, ağlım yerindən çıxdı", "Bu, serial olsa da, aktrisanın şəklindən belə istifadə etmək heç də xoş hərəkət deyil" deyə, yüzlərlə tənqid dolu şərhlər yazılıb.
Buna baxmayaraq, telekanal paylaşımı rəsmi hesabından silməyib.