"Tünzalənin arxasıyca artıq danışmayın" - Video

"Afaq Bəşirqızı təklif irəli sürdü ki, Tünzalə Əliyeva üçün fond yaradılsın. Bunun tamaşaçılara, xalqa aidiyyatı yoxdur. Fond incəsənət xadimləri üçündür. Yalnız incəsənət xadimləri, aktyor yoldaşları ora pul yatırsın ki, Zəhranın gələcəkdə zəmanəti olsun. Bu pulu böyüyəndə istəyər təhsilinə, istəsə də cehizinə xərcləsin. Bir sənət adamları birləşib bu fondu yaratmaq istəyirik".

Axşam.az xəbər verir ki, bu sözləri aktrisa Ülviyyə Əliyeva deyib. O, Xalq artisti Afaq Bəşirqızının mərhum Əməkdar artist Tünzalə Əliyevanın qızı Zəhra üçün fond yaradılması təklifinə aydınlıq gətirib:

"Tamaşaçılar sağlığında Tünzaləyə yetərincə dəstək olub: müalicəsində, ev almasında".

Ü.Əliyeva "Toppuş bacı"ya "sənətkar" deyilməsini tənqid edənlərə cavab verib:

"Tünzalə peşəkar aktrisa idi, İncəsənət Universitetinin dram, kino fakültəsini bitirib. Gəncə Kukla, Gəncə Dram Teatrında, Bakıda İrəvən Teatrında yetərincə çalışıb. Onun qiymətini Prezident verib və "Əməkdar artist" fəxri adına layiq görülüb. Kimsə onun yaradıcılığını izləməyibsə, hansısa verilişdə görübsə, ölünün arxasınca artıq danışmayın. O, tamaşaçının sevimlisi idi, belə də qalacaq. Onu nə qədər sevən var biz gördük. Üç mərasimində zalın yarısı tamaşaçılar idi. Vida və dəfn mərasimini də nə qədər insan gəldi. Ona hörmətlə yanaşın. Hər sənət adamına bu cür hörmətlə dəfn, vida mərasimi qismət olmur".