6.02.2023 - 134 - Maqazin
Azərbaycanlı müğənni Rəqibə Alışova bıçaqlanıb.
SHOWXEBER.AZ xəbər verir ki, hadisə yanvarın 27-də gündüz saatlarında baş verib.
Sənətçi saat 12:00 radələrində 15 yaşlı oğlu ilə yaşadığı Nərimanov ərazisindəki evinə qayıdırdı. Ərazidəki marketə baş çəkən ana oğlunu öndən evə göndərir. Bloka daxil olanda hiss edir ki, arxasınca kimsə ona yaxınlaşır. Həmin vaxt oğlu evə daxil olmuşdu. Cəld pilləkəni qalxır ki, özü də evə girə bilsin. Qapıya yaxınlaşan zaman arxadan gələn naməlum şəxs onun çiyninə əl atıb və 4 bıçaq zərbəsi endirib. Blok qaranlıq olduğundan sənətçi ona xəsarət yetirənin üzünü görə bilməyib.
Hadisənin təfərrüatını Gecce.az-a danışan Rəqibənin ailə üzvləri bildirib ki, qapını açıb, evə girməyə fürsət tapa bilməyib. Naməlum şəxs onu yaxalayıb. Müğənni bıçaqlanan zaman səsini çıxarmayıb ki, oğlu bayıra çıxsa, o da xəsarət ala bilər. Aldığı zərbələrdən qan itirən və şoka düşən müğənni Semaşko xəstəxanasına çatdırılıb. O, 3 gün komadan ayıla bilməyib. Yaxınlarının bildirdiyinə görə, zərbələr ağır olduğundan müğənninin orqanları zərər görüb, vəziyyəti yaxşı deyil. Bir müddət xəstəxanada qalmalı olacaq. Cinayətkarın kimliyinə gəlincə aidiyyatlı qurumlarda araşırma aparıldığını və kimlyinin hələlik dəqiqləşməsiyini öyrəndik. Ehtimal edilir ki, Rəqibəyə xəsarət yetirın narkomandır.