“Onun adını çox çəkmək istəmirəm, qorxuram...” - Aygün Bəylər

Əməkdar artist Aygün Bəylər bir neçə ay əvvəl Prezident İlham Əliyevin ona ev hədiyyə etməsindən də danışıb.

SHOWXEBER.AZ xəbər verir ki, "Səhər mərkəzi" verilişində qonaq olan sənətçi Leyla Quliyevanın bu işdə ona kömək etməsini xüsusi vurğulayıb:


"Bu işdə Leyla Quliyeva mənə əl tutdu, onu o qədər narahat edirdim ki... Sənəd işlərində kömək oldu. Özü də zəng edirdi, filan yerə getmək lazımdır. Deyirdim ki, utanıram, səni necə narahat etdim. Ağır vaxtlarımda mənə dəstək oldu. Mənim müalicə üçün imkanım yox idi, xalqın içində olan adamam. Heydər Əliyev Fonduna müraciət etdik. Xəstəliyim ərəfəsində də Leyla mənə yardım etdi. Prezidentə, Birinci xanıma çox sağ ol deyirəm, mənim əziyyətimi dəyərləndirdilər".


Qızından söz açan müğənni göz yaşlarına boğulub:


"Ev xəbərindən sonra evə gedəndə Canan məni qucaqladı, kövrəldi. Sevinc göz yaşları idi. Qızım böyüyüb 12 yaşı olacaq. Onun adını çox çəkmək istəmirəm. Qorxuram Allah bizi tez ayırar".