12.05.2023 - 31 - Mədəniyyət
Əməkdar artist, kinorejissor Elxan Qasımovun vəziyyəti ilə hər hansı bir dəyişiklik yoxdur.
SHOWXEBER.AZ xəbər verir ki, bu barədə olay-a aktyorun bacısı oğlu məlumat verib. Qeyd olunub ki, sənətçi hazırda reanimasiyadadır:
“Elxan bəy özəl xəstəxanaların birində əməliyyat olunub. Vəziyyəti hazırda orta-ağırdır. Həkimlər Elxan Qasımova aorta anevrizmasının partlaması diaqnozu qoyub. Mədə ilə ürəyi arasındakı şah damar partlayıb. Çoxlu qan itirdiyinə görə ona qan köçürülüb. Həkimlər əllərindən gələni edirlər”.
TƏBİB də E. Qasımovun səhhəti barədə açıqlama verib. Qurumun mətbuat xidmətindən OLAY-a verilən məlumata əsasən, sənətçinin halı iki gün əvvəl pisləşib:
“Elxan Qasımovla bağlı mayın 9-u Bakı Şəhəri Təcili və Təxirəsalınmaz Tibbi Yardım Stansiyasına müraciət daxil olub. Tibbi briqadalar çağırış ünvanına gedib. Ona qarın aortası anevrizması diaqnozu qoyulub və yerində yardım olunub. Daha sonra o, özəl tibb müəssisəsinin təcili tibbi yardım avtomobili ilə oraya aparılıb”.
Bizi instagramda izləyin
