“Nikosayağı“ əməliyyatdan çıxıb, hazırda reanimasiyadadır - Atası danışdı

Xəbər verdiyimiz kimi, “Nikosayağı” adı ilə tanınan bloqer Nicat Şakirli qəzaya düşüb. Qəza nəticəsində 1 nəfər ölüb, 2 nəfər ağır xəsarət alıb. 

Yenisabah.az xəbər verir ki, 29 yaşlı N. Şakirlinin sağ yuxarı ətrafı dirsəkdən amputasiya olunub. 


Hadisə vaxtı yolda hərəkəti tənzimləyən polis əməkdaşı, 23 yaşlı Fəxri Rüstəmov isə sağ əlin kəsiyi diaqnozu ilə xəstəxanaya çatdırılıb. 


Blogerin atası, tanınmış nevropatoloq Nafiz Mütəllimov Modern.az-a açıqlamasında bildirib ki, oğlu hazırda reanimasiyadadır. 


"Gecə əməliyyatdan çıxıb. Nicat indi reanimasiyadadır, sağ qolu amputasiya olub, Vəziyyətində dəyişən heç nə yoxdur", - o deyib. 


Qeyd edək ki, qəzada ölən şəxs “Nikosayağı”nın dostu Ruslan Məmmədovdur. Onun Gəncədəki “İmperial” şadlıq evinin sahibi Şahin Məmmədovun oğlu olduğu bildirilir.