"Bir neçə gözəllik salonum var idi" - əməkdar artist

"Dostumuz Elgiz Əkbərin verilişindən həmkarım, Əməkdar artist Rühəngiz Allahverdiyeva dedi ki, şou-biznesin ən varlı xanımı Nüşabə Ələsgərlidir. Yəni mənim adımı çəkdi. Elə deyirlər... Amma məncə elə deyil. Özümün tanıdıqlarım da var ki, daha çox imkanlıdırlar".

SHOWXEBER.AZ  xəbər verir ki, bu sözləri Əməkdar artist Nüşabə Ələsgərli qonaq olduğu "Həftənin qonağı" verilişində deyib.

Sənətçi bildirib ki, hazırda onun heç bir biznesi yoxdur:

"Mənim evim də var, bağım da... Əvvəllər biznesim daha çox idi. Amma indi elə də biznesim yoxdur. Sadəcə Mədəniyyət və İncəsənət Universitetində pedaqoq kimi işləyirəm. Məclislər olanda gedirəm. Başqa gəlirim yoxdur. Əvvəllər bir neçə gözəllik salonum var idi. Onları kirayə vermişdim. Sonra onları da satdım və uşaqlarıma verdim. Hər kəs oradan öz payını götürdü. Bəli, o payı indidən bölmək lazımdır. Həyatdır... Heç bir saniyə və dəqiqəyə zəmanət yoxdur. Düşünürəm ki, bunu gec başa düşmüşəm. Bilirdim... Amma bir insanın bilməsi başqa şeydir dərk etməsi başqa. Mən biraz gec dərk elədim".//Milli.az