"İnşallah, yaxın zamanda Xəzər Tv-də yeni layihəmlə sizlərin qarşısında olacam" - Tolik

Prodüser Tarix Əliyev "Xəzər Tv" də yayımını dayandıran verilişi ilə bağlı açıqlama verib. 
 
SHOWXEBER.AZ xəbər verir ki, tanınmış prodüser açıqlamasında kanalın yeni direktoru Murad Dadaşovla yaxın münasibətlərinin olduğunu və "Hər şey daxil" layihəsinin bağlanmasının heç bir xüsusi səbəbi olmadığını bildirib. O, Murad Dadaşovun istəsə onu kanaldan uzaqlaşdıra biləcəyini, ancaq bunun əksinə yeni layihə ilə yenidən efirə qaydacağını əlavə edib:

 
"Əziz dostlar bu açıqlamanı verməklə 2 gündür medianı zəbt edən məsələyə aydınlıq gətirmək istəyirəm. Mən Xərət Tv- də 3 ilə yaxındır "Hər şey daxil" layihəsinin həm rəhbəri, həm də aparıcısıyam. Bu müddət ərzində məni sevən də, sevməyən də qəbul edib. Düzdür, insanların gözü bir şey görməyə öyrəşsə də, düşünürəm ki, dəyişmək, yenilənmək lazımdır. Gərək göz yorulmasın. Xəzər Tv -yə yeni gələn rəhbərim Murad Dadaşov məni bu gün deyil, dünən deyil, 10 ildir tanıyır. Və mən məhz onun sayəsində 3 dəfə ölkənin ən reytinqli realiti-şousu olan "Maşın" şounun iştirakçısı olmuşam. M. Dadaşovun əməyi ilə geniş kütləyə təqdim olunmuşam. O ki, qaldı "Hər şey daxil"in bağlanmasına... Bu son deyil. İnşallah, yaxın zamanda Xəzər Tv-də yeni layihəmlə sizlərin qarşısında olacam. Murad Dadaşov istəsəydi məni kanaldan uzaqlaşdıra bilərdi. Amma o, potensialımı yüksək qiymətləndirərək mənə etibar göstərir. Təşəkkür edirəm. Sonda deyim ki, məni dəstəkləyən də, dəstəkləməyən də sağ olsun. Hər kəsə uğurlar . P.S şəkil 2013 ci ildə cəkilib."
 
Qeyd edək ki, "Hər şey daxil" verilişində şou-biznes nümayəndələri arasında baş verən qalmaqaldan sonra kanalın yeni direktoru Murad Dadaşov verilişi yayımdan qaldırıb.