"Bacımla məni səhnədən vaxtsız uzaqlaşdırdılar" - Fidan Qasımova

Bu gün ad günü olan Xalq artisti Fidan Qasımova İTV-də yayımlanan "Sabahın xeyir, Azərbaycan" proqramının qonağı olub.

Opera ifaçısı bacısı Xuraman Qasımova ilə səhnədən tez getməyinin səbəbini açıqlayıb:

"Bacımla məni səhnədən vaxtsız uzaqlaşdırdılar. Özümüz getmədik".

Klassik musiqinin diqqətsiz qalmasından gileylənən Qasımova "İstəyərdim klassik musiqi geniş yayılsın, ona dəyər verilsin... Almaniyada, Amerika, İtaliyada tələbələrim var" sözlərini söyləyib.

F.Qasımova opera ifaçılarının kök olmasının səbəblərindən də bəhs edib:

"Vokal güc tələb edən sənətdir. Ona görə bir operanı oxumaq 8 saat yük daşımağa bərabərdir. Can çox yemək istəyir. Ona görə də opera ifaçıları kök olurlar".

İfaçı bacısı Xuraman Qasımovadan da söz açıb. O, "Onsuz həyatımı təsəvvür edə bilmirəm. Evə gələndə elə bil evimizə günəş doğur" deyə, söyləyib.

///axsam.az