Müğənni Samiranın küsülü olduğu xalası oğlu onun ad gününü təbrik etdi – AÇIQLAMA

“O, mənim barışıq təklifimi qəbul etməsə də, mən bu gün onu doğum günü münasibəti ilə təbrik edirəm və ona uğurlar diləyirəm!”

Showxeber.Az xəbər verir ki, Bunu PostNews.Az-a açıqlamasında Caba kimi tanınan gənc ifaçı Cabir İbrahim xalası qızı müğənni Samira Allahverdi haqqında fikirlərini ifadə edərkən söyləyib.

Cabir bu gün doğum gününü qeyd edən Samirayla küsülü olmasıyla bağlı deyib ki, ona qarşı kinli deyil, əksinə, hər zaman onunla istər dost kimi, istərsə də qohum kimi xoş ünsiyyətə açıq olub.

Qeyd edək ki, Cabir uzun müddət Samiranın köməkçisi olub və təxminən bir ildir ki, şəxsi münasibətləri zəminində yollarını ayırıblar.

Məlumat üçün bildərək ki, müğənni Samirə Allahverdi (Allahverdiyeva) 1979-cu ilin avqustun 25-də Astara rayonunun Ərçivan kəndində anadan olub. Azərbaycan Dövlət İncəsənət və Mədəniyyət Universitetinin aktyorluq fakultəsini bitirib. 1992-ci ildə ilk dəfə “7-17” mahnı yarışmasında iştirak edib. 1994-cü ildə isə peşəkar səhnəyə Vaqif Gərayzadənin dəstəyi ilə çıxıb. 2002-ci ildə “Qayıtdı xəyallar” adlı ilk albomu işıq üzü görüb və çox böyük uğur qazanıb. Eyni adlı mahnı ilə Elşad Xose ilə dueti dinləyicilər tərəfindən çox rəğbətlə qarşılanıb. İlk klipi də 2002-ci ildə “Səni tapdım” adlı mahnıya çəkilib. Evli olub, ayrılıb. İki övladı var.