3.10.2020 - 171 - Maqazin
“Təkbətək” musiqi layihəsi ilə geniş auditoriya tərəfindən tanınan dünya şöhrətli rusiyalı opera müğənnisi Lyubov Kazarnovskaya erməni xalqına dəstək olduğunu bildirib.
Showxeber.Az xəbər verir ki, bu haqda məlumat erməni mediasında yer alıb.
“Dağlıq Qarabağdan (işğal edilən Azərbaycan torpağı) pis xəbərlər alırıq. – deyib. – Bu torpaq mənim üçün çox əzizdir, çünki atam (general Yuri İqtateviç) ilk növbədə, Ermənistanda orduya rəhbərlik edib və mən bu yerlərin hamısını gəzmişəm və nə danışdığımı çox yaxşı bilirəm.
Bundan əlavə, mənə bu torpağın tarixini dostlarımız, tanışlarımız, tarixçilərimiz izah edib” (Elə sizin başınızı gicəlləndirən ermənilərin bu içiboş tarixləridir).
Kazarnovskaya 2015-ci ildə Qarabağda yalançı “erməni soyqırımı”nın 100 illiyində G. Verdinin “Rekviyem”ini oxuduğunu xatırladıb:
“Verdinin “Rekviyem”ini Xankəndi meydanında səsləndirdik. Bu tədbirə dünyanın hər yerindən 6000-dən çox insan gəlmişdi”.
Xatırladaq ki, işğal edilən ərazilərə getdiyinə görə bu müğənni 2015-ci ildə Azərbaycanın “qara siyahı”sına salınıb.///sfera.az