6.10.2020 - 190 - Maqazin
2016-cı ildə ayrılsalar da, uşaqlarının himayədarlıq məsələsində razılığa gələ bilməyən Ancelina Coli və Bred Pittin yenidən məhkəməsi başlayıb.
“MediaPost” xəbər verir ki, onlar 6 uşaq üçün mübarizə aparırlar. Bred Pitt uşaqların yarısının himayədarlığını götürmək niyyətindədir. Ancelina da bu məsələdə ədalətli davranmağın düzgün olduğunu bəyan edir. Ancaq onların hər ikisi məhkəmə mövzusundan narahatdır.
Məhkəmədə cütlüyün yaxın dostlarının, həkim, mühafizəçi və xeyli sayda psixoloqun ifadə verməsi gözlənilir.
Qeyd edək ki, cütlüyün 2016-cı ildə başlayan boşanma prosesi 2019-cu ildə yekunlaşıb. Himayədarlıq məsələsi həll olmadığı üçün Pitt uşaqlarını müəyyən vaxtlarda görməyə başlayıb.
Onu da bildirək ki, 19 yaşlı Maddoksu, 16 yaşlı Paksı və 15 yaşlı Zaharanı Ancelinayla Bred övladlığa götürüb. Onların bioloji uşaqları Şiloh 14, əkizləri Knoks və Viviyen isə 12 yaşındadır. Uşaqlara görə baş tutan məhkəmə 23 oktyabrda yekunlaşacaq.