15.10.2020 - 138 - Sosial
Qırğızıstan Respublikasının Prezidenti Sooronbay Jeenbekov bu gün, oktyabrın 15-də istefa verib.
Showxeber.Az xəbər verir ki, bu barədə “24.kg” dövlət başçısının mətbuat xidmətinə istinadla məlumat yayıb.
Bildirilib ki, Jeenbekov parlament tərəfindən namizədliyi oktyabrın 14-də təsdiqlənən yeni Baş nazir Sadır Japarovla danışdıqdan sonra istefa verib.
Qırğızıstan prezidenti istefa qərarını tarixə “qan tökən və həmvətənlərinə atəş açan” dövlət başçısı kimi düşmək istəməməsi ilə izah edib.
Məlumata əsasən, o, Japarovu və digər siyasətçiləri tərəfdarlarını paytaxtdan çıxarmağa və dinc həyatı bərpa etməyə səsləyib.
Qeyd edək ki, Sooronbay Jeenbekov 2017-ci il noyabrın 24-də seçilmişdi.
Bizi instagramda izləyin
