Aygün Kazımova Filipp Kirkorovun atası erməni ordusuna yardım etməsi haqqında gəzən xəbərlərə aydınlıq gətirdi - AÇIQLAMA

Xalq Artisti Aygün Kazımova son zamanlar çox təpki çəkən Filip Kirkorovla bağlı məsələyə aydınlıq gətirib.

Showxeber.Az  xəbər verir ki, Aygün Kazımova erməni mətbuatında yer alan Kirkorovun atasının Qarabağa yardım etdiyi iddialarını təkzib edib.


Xalq artisti şəxsi "Instagram" hesabından paylaşım edərək rus həmkarına bu sözlərlə dəstək oldu:

"Əziz izləyicilərim, son zamanlar Filipp Kirkorovun atası Bedros Kirkorovun Qarabağa etdiyi humanitar yardımla bağlı çıxan xəbərlərə aydınlıq gətirmək istəyirəm.

Filipplə əlaqə saxlamağı özümə borc bildim və telefon danışığımızı olduğu kimi sizə təqdim edirəm:
"Aygün, sən hansı humanitar yardımdan danışırsan? 
Mənim atam iki aydır xəstəxanada reanimasiyada yatır.

O, öz canının hayındadır.
Ürəyindən əməliyyat olunub.
Elə bir şey yoxdur və ola da bilməz!
Bu xəbərlər yalandır! Böhtandır!
Belə bir addım atılmayıb!
Bu xəbərləri biz təkzib etmişik,
bütün rus, hətda erməni mediasında bu haqqda məlumatlar da var, açıb oxuya bilərsiniz.
Qarabağda baş verənlər məni də çox üzür və mən yalnız sülhün tərəfindəyəm 🙏 "
Bu xəbər Filipi də çox sarsıtdı.
Əziz həmvətənlərim, çıxan xəbərlər tamamilə yalandır!

Əzizlərim, bir xəbəri araşdırmadan bir-birimizi top atəşinə tutmayaq!

Unutmayaq ki, bizi düşmən izləyir!
Yeri gəlmişkən Filipp bu günə qədər nə "Can Rossiya" nə Bolqarıstan nə də "Can Ermənistan” oxumayıb.

Amma "Can Canım Azərbaycanım" ifa edib. Bu mahnıya görə ermənilər Filipi top atəşinə tuturlar, Instagram səhvələrində və saytlarında təhqirlər yağdırırlar.

Müharibə tək ön cəbhədə deyil, həm də sosial şəbəkələrdədir - informasiya müharibəsi.
Odur ki, ermənipərəst insanların oyununa alət olmayaq."