12:07 Aktyor dayanacaqlardan şikayət etdi: "Maaşımızın yarısı gedir"  |     12:06 Hüsniyyə Azərbaycandan köçdü  |     12:04 Flora Kərimova Sevinc Heydərovanı məhkəməyə verib  |     12:01 Mələkxanım Eyubovanın qızının toyundan kim küsüb gedib?  |     09:30 Rəqqasə Fatiməni məhkəməyə verdilər  |     09:24 Zeynəb Xanlarovanın yeni - Fotoları  |     16:26 Əli Mirəliyev Cavanşir Məmmədovun ölümündə onu GÜNAHLANDIRDI  |     16:24 Elnarə Abdullayeva yayılan şayiələrə aydınlıq gətirdi  |     16:22 Özümü deputatlardan güclü sayıram - Faiq Ağayev  |     16:16 Yıldız Tilbe bu dəfə dişsiz şəklini paylaşdı  |     11:54 Bahar Candanın bacısı sərbəst buraxıldı - ŞOK SƏBƏB  |     11:39 Talıb Tale özündən 15 yaş kiçik xanımla ailə qurur  |     11:38 "Özünü sındırmırdı, amma qəm içində idi"  |     11:35 Həyat yoldaşı Miri Yusiflə danışığının səsyazısını yaydı  |     11:33 Azər Axşam Tənqid etdiyi kanalda yenidən işə başladı  |     17:02 "Elgizlə Zaur verilişlərinə getməyim üçün mənə pul verir"  |     15:45 Parlaq ulduzlar xalq konsertində  |     15:42 Türkandan plastik əməliyyatını tənqid edənlərə cavab  |     15:39 Aygün Kazımovaya gözlənilməz sürpriz - 23 İL SONRA GÖRÜŞDÜLƏR  |     15:37 Ebru Gündəşin istəyi gündəm oldu - "Üzük başım boyda olsun"  |    

MŞ AzTV-nin yaralanan əməkdaşına görə beynəlxalq media qurumlarına müraciət edib

19.10.2020 - 172 - Sosial

Azərbaycan Mətbuat Şurası AZTV-nin çəkiliş qrupunun Ağdam rayonunun Bənövşələr qəsəbəsində atəşə tutulması ilə bağlı beynəlxalq media qurumlarına müraciət ünvanlayıb.

Showxeber.Az xəbər verir ki, Şuranın müraciətində bildirilir:

“Azərbaycan Televiziya və Radio Verilişləri” QSC-nin (AZTV) cəbhəboyu zonaya ezam olunmuş çəkiliş qrupu 19 oktyabr 2020-ci il tarixdə günorta saatlarında Ermənistan hərbi birləşmələri tərəfindən atəşə tutulub. Hadisə Ağdam rayonunun Bənövşələr qəsəbəsində baş verib. Nəticədə AZTV-nin müxbiri 1982-ci il təvəllüdlü Həsənov Anar Bəybala oğlu (Anar Şuşalı) yaralanıb.

Məlumat üçün bildirək ki, Anar Şuşalı cəbhə bölgəsində baş verən proseslər, xüsusən də Ermənistanın mülki əhaliyə qarşı törətdiyi təxribatlar barədə ölkə və dünya ictimaiyyətini mütəmadi məlumatlandıran jurnalistlərdəndir. Hazırda o, müxtəlif dərəcəli bədən xəsarətləri ilə xəstəxanaya yerləşdirilib. Azərbaycan Mətbuat Şurası jurnalistlərin hücuma məruz qalmalarını qətiyyətlə pisləyir.

Təəssüflə bildiririk ki, işğalçı Ermənistanın dinc Azərbaycan əhalisinə qarşı ağır artileriya və digər qurğulardan istifadə etməklə həyata keçirdiyi hücumlar davam edir. Dünyanın media ictimaiyyətinin diqqətini bu fakta çəkərək onu da təəssüflə vurğulayırıq ki, Azərbaycanın belə anti-humanist hücumdan zərər çəkən media təmsilçiləri az deyil. Oxşar xoşagəlməz hadisə bir müddət öncə də baş vermişdi. Bu isə onu deməyə əsas verir ki, Ermənistan silahlı qüvvələri jurnalistlərə məqsədli şəkildə atəş açaraq onların fəaliyyətlərinə maneçilik törədir, həyat və sağlamlıqları üçün təhdid yaradırlar.
İşğalçı Ermənistan demokratik dəyərlərə, humanizm prinsiplərinə qarşı vandal münasibətini söz və ifadə azadlığına münasibətdə də göstərməkdədir. Azərbaycan Mətbuat Şurası sizləri bununla bağlı ciddi mövqe nümayişinə çağırır".

MŞ jurnalistlərə silahlı təzyiq məsələsində dünyanın aparıcı media qurumlarının ortaya qoyacaqları barışmazlıq xətti, həssas, prinsipial yanaşma tərzi faciələrə yol açma ehtimalı böyük olan bu kimi halların qarşısının alınmasına kömək göstərəcəyinə ümid etdiyini qeyd edib.

Müraciət rus və ingilis dillərinə tərcümə edilərək dünyanın aparıcı media qurumlarına, o cümlədən Azərbaycan Mətbuat Şurasının üzv olduğu Ümumdünya Mətbuat Şuraları Assosiasiyasına və Avropa Mətbuat Şuraları Alyansına göndərilib.


Showxeber Bizi instagramda izləyin



Xəbər xətti