24.10.2020 - 132 - Sosial
Futbol üzrə Azərbaycan Premyer Liqasında VII turun daha bir oyunu keçirilib.
Showxeber.Az Redaktor.az-a istinadən xəbər verir ki, günün ikinci matçında "Keşlə" "Neftçi"ni qəbul edib.
ASK Arenadakı qarşılaşma "Neftçi"nin 1:0 hesablı qələbəsi ilə yekunlaşıb. 69-cu dəqiqədə Namiq Ələsgərov fərqlənib.
Komandalar meydana birgə pankartla çıxıblar. Pankartda "Biz birlikdə güclüyük" yazılıb.
Bu nəticədən sonra "Neftçi" 13-cü xalını qazanıb və bir günlük də olsa, ilk pilləyə yüksəlib. "Keşlə" isə 9 xalla hələ ki, dördüncüdür.
Qeyd edək ki, günün digər matçında "Qəbələ" evdə "Səbail"lə heç-heçə edib - 1:1. Tura oktyabrın 25-də keçiriləcək "Zirə" - "Qarabağ" və "Sabah" - "Sumqayıt" oyunları ilə yekun vurulacaq.
Bizi instagramda izləyin
