“Tarzan” öldü

1960-cı illərdə “Tarzan” obrazı ilə məşhurlaşan aktyor Mayk Henri 84 yaşında vəfat edib.

“Qafqazinfo” xəbər verir ki, aktyor ABŞ-ın Milli Futbol Liqasında oynayarkən yaralanıb və bundan sonra onda parkinson da daxil olmaqla, bir çox xəstəliklər əmələ gəlib.

Mayk Henri “The Longest Yard”, “Soylent Green”, “Rio Lobo and The Green Berets” kimi filmlərdə də rol alıb.

Ancaq ona şöhrət gətirən “Meşənin kralı: Tarzan və Qızıl vadi”, “Tarzan və Böyük çay” və “Tarzan meşənin övladı” filmlərində oynadığı baş rollar olub.